Bere bizitzako 16 urteetan norbait ezagutzen duzunean ez zaizu gauetik goizera ahazten. Asko dira bidean partekatzen diren esperientziak, bizipenak, uneak, zailtasunak eta pozak, eta horrek batu egiten zaitu. Horregatik gustatzen zaigu berriz elkartzea, zuengandik jakitea, zertan ari zareten, ikasten edo lanean, eta, batez ere, bizitza ondo doakizuela jakitea.
Horregatik pozten gara zuek ere gogoratzen zaretenean eta, besterik gabe, tarte bat egitea eta gu bisitatzera hurbiltzea erabakitzen duzuenean. Alex Sarduiren kasua da, adibidez, joan den ostiralean, Gatibuko ikasle ohi eta abeslaria, Lauaxetara hurbildu zitzaiguna.
Aste honetan bertan  Araitz Peñaren bisita ere izango dugu. Oraingo honetan, gaurkotasuneko gai bati buruz hitz egiteko: Palestinaren eta Israelen arteko gatazka. Baina gai honi buruz, aurrerago kontatuko dizuegu.
Arrazoia edozein dela ere, pozten gara zuek berriro ikusteaz!