Bakean heztea

Gaitasunetan eta baloreetan hezteari buruz ari garenean, ezinbestekoa da ikasleak bakean eta arazoak era baketsuan ebazteko gaitasunean trebatzea. Gaur, bakearen nazioarteko egunean, besteak beste, KiVa eskola-jazarpenaren aurkako programaz hitz egingo dogu.

Lauaxeta Ikastola KiVa eskola bat da, zenbait ikasturtetik hona eskola jazarpenaren aurkako programa finlandiar hau aplikatzen baitau. Hasiera batean Lehen Hezkuntzan eta gaur egunean Bigarren Hezkuntzan ere.

Kiva programari buruz gehiago jakin nahi badozu, esteka honetara sartu zaitekez.

Programa horretatik harago, tutoretzetatik abiatuta, jarduera eta dinamika ugari garatzen dira bizikidetza errazteko, gatazkak konpontzeko eta baloreak garatzeko.

Alde horretatik, aipatzekoa da ikasle erreferenteen figura, DBHko Bizikidetzarako Batzordea edo G7 taldeak Batxilergoan egiten dauan lana. Figura horreek guztiek eginkizun aktiboa dauke eskolako bizikidetzaren inguruan.