Olinpiar Joko oso bereziak: kirola, topaketa eta belaunaldien arteko ikaskuntza

🏅🤝 Lauaxeta Ikastolan Olinpiar Joko oso bereziak bizi izan ditugu: Belaunaldien arteko Olinpiar Jokoak, DBHko ikasleen eta IMQ-Igurco Orue eta Jose María Azkuna egoitzako egoiliarren artean.

Kirol jardueraz harago, esperientzia hau belaunaldien artean denbora, mugimendua, elkarrizketa eta irribarreak partekatzeko aukera ederra izan da. Ikasleek adineko pertsonen errealitatera hurbiltzeko aukera izan dute, gertutasunetik, errespetutik eta enpatiatik abiatuta; eta ikasi dute ikaskuntza entzutean, begiratzean eta bizi-ibilbide desberdina duten pertsonekin partekatzean ere gertatzen dela. 💙

Jolasaren eta kirolaren bidez, balio garrantzitsuak landu dira: lankidetza, pazientzia, zaintza, komunikazioa eta erritmo zein gaitasun desberdinekiko errespetua. Egoiliarrentzat ere aukera polita izan da jardunaldi aktibo batez gozatzeko, lagunduta sentitzeko eta energiaz, ilusioz eta loturaz betetako ekintza batean parte hartzeko. 🌱✨

Horrelako ekimenek ideia garrantzitsu bat indartzen dute: komunitatea elkarrekin eta elkarrengandik ikasiz eraikitzen da. Kirola, horrela, hezkuntza- eta gizarte-tresna bihurtzen da, ongizatea sortzeko, oztopoak gainditzeko, harremanak eraikitzeko eta gure ingurura begirada gizatiarragoa bideratzeko gai dena.

Eskerrik asko IMQko egoitzeii, berriro ere ateak zabaltzeagatik eta esperientzia hain aberasgarria bizitzeko aukera emateagatik. 🏅🤝