Ikusten ez den lan hori

Familia eta etxe baten atzekaldean hainbat lan eta zeregin daude. Batzuetan, ikusten ez diran zereginak: oharkabean pasatzen direnak, baina, neurri handi batean egunaren amaieran dugun gainkargaren arrazoia eta esku artean dugun zeregin garrantzitsuarenganako dugun konpromisuaren ebidentzia dira. Gure seme-alaben hezkuntzan ere gertatzen zaigu, nahiz eta batzuek ez diran ohartzen egiten dugun guztiaren dimentsioaz, zatirik ikusgarri eta politenetaz baizik.

Gaur, lehen hezkuntzako ikasle batzuek euren jardunaldiaren zati bat ikastolako animalien espazioak prestatzen eta garbitzen eman dute. Hau ere, batzuetan oharkabean pasatzen den lana da, baina Lauaxetako animalien zaintzaren parte da.

Agian, une batez ikusten ez den baina maite dugun norbait zaintzen denean hain beharrezkoa den lan guzti horretara hurbiltzeko lagungarri izan da.