Historia gogoratzea, berriro ez errepikatzeko: indarkeririk ez

🕊️ Zorionez, gure gazteei ez zaie egokitu indarkeria gure inguruko errealitate sozial eta politikoaren parte zen garaia bizitzea. Hain zuzen ere horregatik, garrantzitsua da gertatutakoa ezagutzea, benetako testigantzak entzutea eta ulertzea memoria ez dela iraganari bakarrik dagokion zerbait: oraina eta etorkizuna eraikitzen ere laguntzen digu.

Eusko Jaurlaritzaren Adi-adian programaren barruan, DBH 4. mailako ikasleek ETAren biktima baten testigantza gertutik entzuteko aukera izan dute. Balio hezitzaile eta humano handiko esperientzia izan da, eurek bizi izan ez duten baina gure historia kolektiboaren parte den errealitate batera hurbiltzeko.

Gogoratzea ez da minari lotuta geratzea. Gogoratzea ikastea da. Egindako akatsetatik ikastea, eragindako sufrimendua aitortzea eta ulertzea ideia bakar bat ere, edozein dela ere, ezin dela indarkeriaren bidez defendatu. Gizarte demokratiko batean, iritzi-aniztasuna errespetuarekin, hitzarekin, elkarrizketarekin eta pertsona guztien duintasunaren defentsarekin batera bizi behar da beti.

Hezkuntza-komunitate gisa, memoria hori belaunaldi berriei helaraztea gure erantzukizunaren parte dela uste dugu. Izan ere, gertatutakoa ezagutuz bakarrik lagundu ahal diegu begirada kritikoa, enpatikoa eta bakean oinarritutako bizikidetzarekin konprometitua garatzen.

Ez dezatela inoiz ahaztu ezerk ez duela beste pertsona bati mina egitea justifikatzen. Ez dagoela ideiarik bizitza, askatasuna edo errespetua baino gehiago balio duenik. Eta eraiki nahi dugun etorkizunak bere pentsamenduak argudioz, sentsibilitatez eta konpromisoz defendatuko dituzten gazteak behar dituela, inoiz ez indarkeriaz.

Heztea memoria, elkarrizketa eta bakea ereitea ere bada. 🕊️