Ahotsenea hazten ari da: aurten DBHra ere iritsiko da

🎤🎶 2026-2027 ikasturtearekin batera, Ahotsenea ere martxan da berriro, ikasleei adierazteko, gustuko dutena partekatzeko eta euren gaitasunak erakusteko aukera eskaintzen dien espazioa. 🌟

Orain arte Ahotsenea bereziki Lehen Hezkuntzari lotutako ekimena izan da, baina aurten urrats bat gehiago emango dugu: DBHra ere zabalduko dugu.

Lehen Hezkuntzan, ostegunero atsedenaldian, agertokia berriro ere talentuak, zaletasunak eta trebetasunak partekatzeko gune bihurtuko da:

🎶 Abestu.
💃 Dantzatu.
🎸 Instrumentu bat jo.
📖 Istorio bat kontatu edo errezitatu.
🎭 Antzeztu.
✨ Zaletasun edo trebetasun bereziren bat erakutsi.

Eta DBHn, nahi duten ikasleek atsedenaldiak aprobetxatu ahal izango dituzte Faktoriara hurbiltzeko eta euren musika talentua garatzeko: jotzeko, entseatzeko, sortzeko eta musikarekiko zaletasuna partekatzeko. 🎸🥁🎤

Ahotsenearen helburua ez baita lehiatzea edo nork hobeto egiten duen ikustea. Helburua da ausartzea, adieraztea, norberaren gaitasunak garatzea eta besteenak ere baloratzea.

Norbaitek abestera, jotzera, dantzatzera edo antzeztera ausartzen denean, ez du talentu bat bakarrik partekatzen: autonomia, sormena, komunikazioa, autoestimua eta konfiantza ere garatzen ditu.

Eta entzuten eta laguntzen dutenek ere ikasten dute: errespetatzen, animatzen, baloratzen eta pertsona bakoitza berezi egiten duen hori deskubritzen.