Emakumea naiz eta ez dut hezkuntzarako sarbide bera

Hori da herrialde batzuetako errealitatea: neskak eskolara falta dira, hilekoa delako. Produktu higienikorik, osasun-instalaziorik eta informaziorik ez izateagatik. Gainera, neska askok eskola erabat uzten dute hilekoa izaten hasten direnean. Estigma onartezin horren ondorioak generoko hezkuntza-arrailean islatzen dira; azterlan batzuek erakusten dute korrelazio negatiboa dagoela hilekoaren eta eskolaratze eta nesken eskola-arrakastaren artean.
Gure ikastolan, kalitatezko hezkuntza ematen ahalegintzeaz gain, ikasleen inguruko munduan eragin positiboa duten arrazoi solidario eta proiektuekin konpromiso aktiboa hartzen dugu. Kasu honetan, Haregin taldeak, Lauaxetan berdintasunaren alde lan egiten duen ikasle taldeak, bigarren eskuko arropa azokari esker bildutako dirua Mundu Bakean elkartera bideratzea erabaki zuen. Beren proiektuen artean, nesken eskolatzea hobetzea izango dute helburu. Gizonen eta emakumeen arteko benetako berdintasuna lortzeko, garrantzitsua da neskek, mutilek bezala, eskolara erraz iristea eta gaitasun osoa garatzeko aukera izatea.
Gaurko egunean, Lehen Hezkuntzako eta Haregin-eko kideek Mundu Bakean GKEari buruz gehiago jakiteko aukera izan dute, eta bertatik bertara egin dute.