Ahalegina, konstantzia… eta gainditzea

🐎🏆 Lauaxeta Ikastolan gustatzen zaigu talentua ez ezik balioak ere islatzen dituzten lorpenak partekatzea. Oraingoan, zoriondu nahi ditugu Emma Novoa, DBH 1eko ikaslea, Bizkaia eta Euskadiko Hipika Txapelketan lortutako 2. postuagatik, salto de obstáculos modalitatean, 0,80 kategorian (Pony B) eta Mara Barrenetxea-Arando, pony D kategorian Bizkaiko 2. eta Euskadiko 4. gelditu zena.

Emaitza hau ez da kasualitatea, baizik eta ahaleginaren, konstantziaren eta dedikazioaren fruitua. Jauzi bakoitzaren atzean entrenamendu orduak, norberaren gainditzea eta konpromisoa daude.

Ikaskuntza ez da soilik ikasgelan gertatzen. Halako esperientzien bidez ere eraikitzen da, non ikasleek erronkak gainditu, hazi eta beren burua hobeto ezagutzen duten.

Zorionak, Emma eta Mara! 💚👏