Saskian 0 produktu daukazu/dituzu.
Legeria gizartearen errealitatearen atzetik doa, batzuetan legeek ezin baitituzte aurreikusi etorkizunean gizartean gertatuko diren aldaketak. Horixe gertatzen da adimen artifizialarekin. Horri buruzko erregulazioen zain, eta horien aurretik eta ondoren ere, garrantzitsua da tresna berri hori ondo erabiltzea. Gu, heldu eta hezitzaile garen aldetik, irakasle edo guraso garen heinean, adingabeeie etikaren garrantziaz eta teknologia berri hori ondo erabiltzeak dakartzan balioez jabetzea dagokigu.
Adimen artifizialak berdintasunaren esparruan eta, zehazki, intimitatearen eta ohorearen aurkako delituetan dituen inplikazioei buruz hausnartu nahi izan du Euskal Telebistak.
Lauaxeta Ikastolan, irakasleez eta ikasleez osatutako berdintasun-talde bat dugu, berdintasunari buruz hausnartzeaz eta aurrerapausoak emateaz arduratzen dena, eta gaurkotasuneko gaiak jorratzen dituena, hain zuzen ere, hau bezalako gaiak. Horregatik, Euskal Telebistak Lauaxetarengana hurbildu nahi izan du gurekin elkarrizketa bat izateko.
Teleberrin emandakoaren bideo bat utziko dizugu.
Laburbilduz, legediak IAren erronkei aurre egiteko eboluzionatzea espero dugun bitartean, hezkuntza eta etikaren eta teknologia horren erabilera egokiaren gaineko kontzientziazioa funtsezkoak dira etorkizuneko belaunaldiak erronka horiei modu arduratsuan eta etikoan aurre egiteko prestatuta egongo direla bermatzeko. Izan ere, arazoa, beste behin ere, ez da tresna bera, tresna hori gaizki erabiltzea baizik.
Lauaxetako Berdintasun taldea, hain zuzen ere, Haregin deitzen da, ikasleek eurek proposatuta, hare alez, piskanaka lan egitearen garrantzia islatzeko asmoz (“Hare” eta “Egin”).
