UNICEF gertutik ezagutzen: konpromisoa, ikaskuntza eta ekintza solidarioa

 🌍💙 Gaur, LH 6. mailako ikasleek UNICEF gertutik ezagutzeko aukera izan dute, haurren eskubideen defentsan eta munduko haur askoren bizi-baldintzak hobetzeko egiten duten lana hobeto ulertzeko.

Ekintza hau ikasleen aurreko lan baten jarraipena izan da. Izan ere, 6. mailako ikasleek PEPeko erakusketa egin zutenean, “Haurren esplotazioa” gaia landu zuten eta, gai horren inguruan sakontzeko asmoz, UNICEFekin harremanetan jarri ziren hitzaldi bat antolatzeko.

Erakusketa hartan, ikasleek pultserak saldu zituzten dohaintza bat biltzeko, eta gaur, UNICEFeko kidearen bisita baliatuz, bildutako dirua eman diote: 119 euro guztira.

Esperientzia honek aukera eman die ikasleei ikasitakoa errealitatearekin lotzeko, munduko beste haur batzuen egoeraz jabetzeko eta ekintza txikiek ere eragin positiboa izan dezaketela ulertzeko. Bachillerato Internacionalaren ikuspegitik, ikaskuntza ez da gelan bakarrik geratzen: ikertzea, hausnartzea eta ekitea ere bada, ingurune hurbilean zein mundu mailan ardura hartuz.

Zorionak LH 6. mailako ikasleei erakutsitako konpromisoagatik! 💙