Nola bereiziko zenituzke koloretako errotuladoreak, ikusteko zailtasunak izango bazenitu?

Zer iruditzen zaizu laranja koloreko errotulagailuak laranja usaina badu, horiak limoi usaina eta berdeak menta usaina? Hau bezalako azalpen interesgarriekin, Lehen Hezkuntzako 1. eta 2. mailako ikasleek ONCEren eskutik hitzaldi bat jaso dute gaur, ikusteko zailtasunak dituzten pertsonen errealitatera eta egunerokotasunera hurbiltzeko aukera eman diena.

Aurretik, ikasgelan, hainbat gai landu dituzte, hala nola gorputzaren ezagutza, zentzumenak eta aniztasuna. Gaur, hitzaldi honi esker, beste errealitate batzuk ezagutu dituzte, eta bertatik bertara esperimentatu dute ikusteko zailtasunak dituzunean orientatzeko makila nolakoa den; haurrei egokitutako brailezko liburuak, batez ere testurekin esperimentatzen hasten direnak; braile sistema duten panpinak; eta usaina erabiltzen duten kolore-errotuladoreak.

Eskerrik asko esperientzia aberasgarri honengatik!