Lauaxetako ikasleek 4 sari eskuratu dituzte Exporecerca zientzia azokan

Lauaxeta Ikastolako 9 ikaslek 4 sari eskuratu dituzte Exporecerca zientzia-azokan.

Exporecerca Jove nazioarteko ikerketa-azoka bat da, 1999. urtetik publikoari irekia. Bertan, mundu osoko (Brasildik Arabiar Emirerri Batuetaraino) bigarren hezkuntzako eta batxilergoko gazteek beren ikerketa-proiektuak aurkezten dituzte hiru egunez, beraiek pertsonalizatutako standetan, beren ikerketak bisitariei zabalduz eta ezagutaraziz.

Ane Marín, Gadea Martínez, Noa Blanco, Kattalin Portuondo, Uxeu Martínez, Izaro Elejalde, Maider Uriarte, Jon Vegas eta Martín Pérez Lauaxeta Ikastolako DBHko 3. eta 4. mailako ikasleek 4 sari eskuratu dituzte, hainbat kategoriatan, joan den astean Bartzelonan egindako Exporecerca zientzia-azokan. Horien artean daude Bruno Götzens 1. sari berezia, , eta CSIC saria, Ane Marín, Gadea Martínez eta Noa Blancorentzat, material berria sortzeko molusku oskolen hondakinak erabiltzeko proiektuarengatik; Educaixa saria, Kattalin Portuondo, Uxue Martínez eta Izaro Elejalderentzat, arbel-errotuladoreen hondakinak berrerabiltzeko proiektuarengatik, betaurreko-monturak sortzeko; eta Kataluniako biologiako gizartearen saria, Maider Uriarte, Jon Vegas eta Martín Pérezentzat, landare inbaditzaileetatik biodieselera lanagatik.

Ikertzaile gazteak oso pozik daude eta irabazi duten esperientziaz gozatzeko gogo handia dute.

Informazio gehiago esteka honetan: https://www.magmarecerca.org/es/exporecerca