Saskian 0 produktu daukazu/dituzu.
Gaur, Lauaxeta Ikastolan, Zuhaitz Gurrutxaga eta Ander Izagirre izan ditugu gurekin, “Subcampeón” liburuaren egileak, gure ikasleekin osasun mentalaz hitz egiteko. Autobiografia barregarri, gordin eta zintzo bat da, komediaren eta angustia emozionalaren artean nabigatzen duena.
“Subcampeón” Zuhaitz Gurrutxagaren historia kontatzen du: 19 urterekin, Real Sociedad taldearekin Lehen Mailan debuta egiteko ametsa bete zuen. Hala ere, futbolaren gloria bizitzen zuen bitartean, barne-borroka bati aurre egin behar izan zion: antsietatea, depresioa eta nahasmendu obsesibo-konpultsiboa, betiere umorea galdu gabe. Bere esperientzia oso baliagarria iruditzen zaigu gure DBHko 4. mailako ikasleentzat, osasun mentalaren garrantzia azpimarratzen duelako, bai kirol-esparruan, bai eguneroko bizitzan. Osasun mentalaren eta umorearen garrantziaz hitz egin zigun, baita futbola askotan gizarte edo komunikabide mailan ematen zaion garrantziarekin alderatuta duen garrantzi erlatiboaz ere.
Elkarrizketa zintzo eta hurbil batean, Zuhaitzek bere esperientzia pertsonala partekatu digu. Azpimarratu du laguntza eskatzearen garrantzia, eta sentitzen dugun ondoezari izena jartzea: izan antsietatea, depresioa, TOCa edo bestelako emozio-arazoak. Konturatzea ez garela halako sentimenduak ditugun bakarrak, sendatze-biderako lehen urratsa izan daiteke.
Ongizate mentala fisikoa bezain funtsezkoa da, eta gure burua zaintzeak bizitza osoagoa bizitzen laguntzen digu. Zuhaitzek, gainera, bere liburuaren mezu nagusia azaldu digu: askotan errazagoa dela azpitxapelduna izatea txapelduna baino, txapeldunak presio eta inbidia handiagoak jasaten dituelako, eta horrek ongizatea arriskuan jar dezakeelako.
Lauaxeta Ikastolan, ikasleen alderdi akademikoa zaintzeaz gain, osasun emozionalari ere arreta berezia eskaintzen diogu. Gure ikasleei transmititzen diegu beren barneari entzutea, osasun emozionala lehenestea eta laguntza bilatzea ez dela sekula ahaztu behar. Burua zaintzea bizitza zaintzea da, eta umoreak, gaur bezala, beti laguntzen du. Zuhaitzek dioenez, komedia drama gehi denboraren igarotzearen emaitza baita! 💚
