Saskian 0 produktu daukazu/dituzu.
Osakidetzak DBHko 3. mailako ikasleei emandako sentsibilizazio-hitzaldiaren ondoren, non odol-ematearen garrantziaz hausnartu zuten, erronka bat proposatu zitzaien: familiei zuzendutako sentsibilizazio-kanpaina bat diseinatzea. 💬❤️
Eta horixe egin dute. Emaitza gisa, datorren ekainaren 7an, Ikastolako Jaiaren 🎉 baitan, odol-emateko autobus bat 🚌 izango dugu ikastolan. Goizeko 10:30etatik eguerdiko 14:00ak arte 🕑 egongo da bertan, 18 urtetik gorako boluntario guztiek odola eman ahal izateko. 💪
Hemen duzue DBHko 3. mailako ikasleen mezua, bihotzez zabaldu nahi izan dutena:
❓ Inoiz pentsatu al duzue norbaiti bizia salbatzeko behar den odola nondik ateratzen den? Edo erditze batean edo istripu baten ondorengo ebakuntza batean erabiltzen den odola nondik datorren?
⚠️ Sarritan pentsatzen dugu baliabideak mugagabeak direla, baina zer gertatuko litzateke agortuko balira? Beharbada, egun batean, norbait ebakuntza-gelan egongo da… eta ez da nahikoa odol egongo bere bizia salbatzeko. Zer egingo zenuke egoera horretan zeu bazina?
🤝 Argi dago lankidetzarik gabe, gizarteak ez duela aurrera egiten. Eta Ikastolan ere horretan sinesten dugu. Horregatik, gaur zure laguntza behar dugu.
🔑 Guregatik, zugatik eta etorriko direngatik. Gaur, etorkizuneko atea irekitzeko giltza izan zaitezke.
Odola emateko prest bazaude, QR kodea 📲 eskaneatu eta maiatzaren 30a baino lehen 📅 galdetegia bete.
Eskerrik asko 💓
DBHko 3. mailako ikasleak
