Lurrari lotuz, emakumeen arteko sareak ehuntzen: tailer berria Hazien Sarearekin

🌱 Atzo beste tailer bat garatu genuen Hazien Sarea-ren eskutik, elkarrekin ikasteko, sustraiak partekatzeko eta lurrari dugun lotura sendotzeko gune bat sortuz.

Bertan izan genituen Isabel eta Kim, Guatemalako emakumeak eta Mujeres Tejiendo Red-eko kideak; eta Ruth, baserritar gazte euskalduna, Plataforma de Migrantes de Getxo-ko kidea, huerta komunitario eta agroekologiko baten sustatzailea.

Tailerrean Guatemalako eta Euskal Herriko emakumeek lurrari dioten harremana jarri genuen erdigunean. Saioa k’iche’ herriaren eguzkiari egindako erritual indigena batekin hasi genuen, landatu aurretik lurrari baimena eskatzeko. Une hunkigarria izan zen, naturarekiko errespetua eta esker ona gogorarazi zizkiguna.

Horrez gain, etxeko lanen eta lurraren zaintzaren ardurez hausnartu genuen: nork egiten ditu? nola banatzen dira? Zer esan nahi du zaintzak erdigunean jartzeak? Elkarrizketa aberasgarria izan zen, ikuspegi komunitario eta feministatik lurrari begiratzeko aukera eman ziguna.

Eskerrik asko parte hartu zenuten guztioi zuen jakintzak eta esperientziak partekatzeagatik. Sareak ehuntzen jarraitzen dugu, elkarrekin hazten 🌾✨