Ulertzeko hezi: 5. mailako ikasleek hilekoaren inguruko hitzaldia jaso dute

🌙💬Gaur, 5. mailako ikasleek hilekoaren inguruko heziketa jaso dute, urte luzez isilpean, mito artean eta tabu askoren artean egon den gai baten inguruan. Lauaxetan argi dugu: heztea ere bada gorputza ulertzeko tresnak ematea, hazkuntzan gertatzen diren aldaketak normaltasunez bizitzen laguntzea eta norberarekin harreman osasuntsua eraikitzea txikitatik.

Saioan, honako hauek landu dituzte:
🔹 Zer den hilekoa benetan.
🔹 Nola funtzionatzen duen ziklo menstrualak.
🔹 Zergatik den prozesu naturala eta positiboa.
🔹 Nola hitz egin horretaz lotsarik gabe eta errespetuz.

Helburua argia izan da: tabuak haustea, kontzientzia sortzea eta prozesu naturala normalizatzea, milaka eta milaka emakumeren bizitzan presente dagoena.

Ikastolatik eskerrak eman nahi dizkiegu hitzaldi hauek ematen dituzten profesionalei, gure ikasleei mundura —eta norberaren gorputzera— begirada informatu, natural eta enpatiko bat eskaintzen dietelako. Pixkanaka-pixkanaka, hezkuntza osoago, kontzienteago eta inklusiboagoa eraikitzen jarraitzen dugu 🌙💛