Saskian 0 produktu daukazu/dituzu.
Gaur ofizialki inauguratu dugu ikasturtea 2. Batxilergoko ikasleekin ✨.
Une berezia izan da, esanahiz betea, izan ere, ikasturte hau ez da beste bat gehiago: bide berriak irekitzen diren urtea da, ametsak zehazten diren urtea eta etorkizunari aurrez aurre begiratzen hasten diren urtea. 🌱
Eguna Aitor Pagaldai, Lauaxetako zuzendariaren hitzekin hasi da. Berak gogorarazi du 2. Batxilergoan egotearen garrantzia: ez bakarrik ikasle bakoitzaren ibilbide akademikoan duen eraginagatik, baizik eta, aurten kurtso hau egiten dutenak gazteen belaunaldientzat erreferente direlako.
Ondoren, Elixabete Etxanobe izan da hizlari nagusia, Bizkaiko Ahaldun Nagusia eta Lauaxetako ikasle ohia 💙. Duela urte batzuk, gaur arretaz entzuten ari ziren ikasleen leku berean zegoen bera. Hunkituta, Lauaxetako ikasle eta monitore gisa bizi izan zituen oroitzapenak partekatu ditu: lagunak, bizipenak eta gaur egun oraindik ere bere egunerokoan gidatzen dituzten balioak — errespetua, norbereganako konfiantza, ahalegina eta talde-lana.
Elixabetek animatu ditu ikasleak ikasturte honi ilusioz eta konpromisoz heltzeko, gogoraraziz gaur egiten dutenak eragin zuzena izango duela norberaren etorkizunean eta baita Euskadirenean ere, gure gazteriaren talentu eta prestakuntzarekin eraikitzen baita 🌱.
Gaur ez dugu soilik ikasturte berri bat ireki: etorkizunera bidean beste urrats bat eman dugu.
