Saskian 0 produktu daukazu/dituzu.
Lauaxeta Ikastolako Lehen Hezkuntzako 6. mailako ikasleek esperientzia berezi eta aberasgarri bat bizi izan dute: MercaBilbao bisitatu dute, Estatuko iparraldeko elikagai banaketa-gune nagusietako bat.
Bisita honetan, ikasleek ikusi dute nola funtzionatzen duen handizkako merkatu batek, zein produktu heltzen diren egunero —frutak, barazkiak, arrainak, haragiak…— eta nola antolatzen den banaketa-katea elikagaiak fresko iritsi daitezen etxeetara, eskoletara eta dendetara.
Horrez gain, talde-lanaren garrantzia, logistika eta koordinazioa ezagutzeko aukera izan dute, guztia gure eguneroko elikadura bermatzeko lan egiten duten pertsonen bidez.
Bisita honek laguntzen du elikagaien ibilbidea hobeto ulertzen: soro edo itsasotik gure mahaira, kontsumo arduratsua, tokiko eta sasoiko produktuen balorazioa eta elikagai-xahuketaren inguruko kontzientzia sustatuz.
Sustraietatik platereraino, ikaskuntza bizia eta ikusgarria!
