Gaur egun berezia izan da klasean! Gure 5 urteko ikasle txiki batzuek yoga saio batean parte hartu dute. Esperientzia zoragarria eta aberasgarria haientzat.
Yoga milaka urteko praktika da, eta ez da soilik alderdi fisikora bideratzen, ongizate mentalera eta emozionalera ere bideratzen da. Eskola aurreko adineko haurrentzat, yoga tresna indartsua izan daiteke arreta osoa, kontzentrazioa eta barruko lasaitasuna lantzeko.
Yoga-klasean, haurrek postura sinpleak egiten, kontzienteki arnasa hartzen eta beren gorputzarekin eta adimenarekin konektatzen ikasten dute. Horrek, malgutasuna eta indar fisikoa hobetzeaz gain, estresa eta antsietatea modu osasungarrian maneiatzen ere laguntzen die. Etengabeko estimuluz beteriko mundu batean, yogak erlaxatzeko eta oreka aurkitzeko espazio bat eskaintzen die.
Gainera, yogak autoestimua eta berekiko konfiantza sustatzen ditu. Erronka fisikoei aurre egitean eta pixkanaka gainditzean, haurrek norberaren lorpen- eta gogobetetze-zentzua garatzen dute. Beren eta besteen mugak errespetatzen ere ikasten dute, enpatia eta errespetua sustatuz.

DBHko eta Batxilergoko ikasleen kasuan, erlaxazioari berariaz eskainitako une bat dugu, Isilunea deitzen dioguna eta batzuetan gurekin dugun zarata mental horri bolumena jaisteko aukera ematen dio, erlaxatzeko eta esku artean ditugun zereginetan eta helburuetan zentratzeko.