Ongizatea eta zaintza emozionala Zaindegi ikasle-agentziaren eskutik

🧘‍♀️💚Gaur, Lauaxeta Ikastolako Zaindegi ikasle-agentziako ikasleek yoga saio bat gidatu dute, ikasleen ongizate fisikoa eta emozionala sustatzeko helburuarekin.

International Baccalaureateko (IB) hezkuntza-ereduaren barruan, ikasle-agentziek garrantzi handia dute; izan ere, ikasleei ahotsa, erantzukizuna eta ekimenerako gaitasuna ematen diete, ikastolako bizitzan modu aktiboan parte hartu eta komunitatean eragin positiboa sortzeko.

Kasu honetan, Zaindegi agentziak bere lana batez ere ikasleen ongizate integrala zaintzera bideratzen du, osasun emozionala, elkarbizitza, estresaren kudeaketa, autozaintza eta jarduera fisikoa sustatzen dituzten ekimenak martxan jarriz.

Gaurko yoga saioa aukera paregabea izan da gelditu, norbere buruarekin konektatu eta oreka emozionala zein fisikoa lantzeko, gero eta garrantzitsuagoa den zerbait ikasleen egunerokoan.

Lauaxeta Ikastolan ikasleen garapen akademikoa ez ezik, hazkunde pertsonala eta emozionala ere sustatzen jarraitzen dugu.