Zer uzten dugu gure aztarnan? Farmakutsadurari buruzko hausnarketa

Gaur, DBH 1. mailako ikasleek oso interesgarria eta beharrezkoa den hitzaldi bat jaso dute: Farmakutsadurari buruzkoa. Hitz arraro samarra dirudien arren, gure egunerokoarekin zerikusi zuzena duen gai bat da.🌍

Baina… zer da farmakutsadura?
💧 Farmakutsadura da gure botikek (antibiotikoak, analgesikoak, hormonak…) ingurunean, batez ere ur-ingurunean, uzten duten aztarna kimikoa. Botikak behar bezala ez botatzeak, edo gorputzak digeritu ostean pixa edo gorotz bidez kanporatzeak, urak eta ekosistemak kutsatzea eragiten du.

🌿 Gaurko saioan, ikasleek ulertu dute:
🔹 Zergatik den garrantzitsua botiken erabilera arduratsua.
🔹 Nola eragin dezakegun ingurugiroan ohitura txikien bidez.
🔹 Zergatik ez diren sendagaiak zaborrera edo komunera bota behar, eta farmazietan entregatzea dela egokiena.

Hausnarketa sakona, eta batez ere, etorkizun jasangarri baten aldeko hezkuntza jarduera bat izan da.

🌱 Jakintza da lehen pausoa eraldaketarako.

Hau guztia Expertia, Lauaxeta Ikastolako programaren baitan izan da, zeinetan gurasoak ikasgelara hurbiltzen diran, haien esperientzia ikasleekin partekatzeko. Eskerrik asko!