Saskian 0 produktu daukazu/dituzu.
📚✨Ikaskuntza ez da ezagutza eskuratzea bakarrik: bizitzen, sortzen eta partekatzen den esperientzia bihurtzen da. Horrela erakutsi dute DBH 1eko ikasleek, Bachillerato Internazionaleko (IB) proiektu baten barruan, azken produktua modu berezi batean aurkeztuz.
Prozesuaren baitan, euren bidaia-agentzia propioa sortu dute, LH 5eko ikasleak ibilbide paregabe batera gonbidatzeko… literatur mundura egindako bidaia batera! Proposamen honen bidez, istorioak helmuga bihurtu dituzte, pertsonaiak gidari eta liburuak esperientzia, sentitu eta esploratzeko modukoak.
Sormenaz harago, jarduera honek IB ikuspegiaren hainbat zutabe islatzen ditu: ikerkuntzan oinarritutako ikaskuntza, mundu errealarekiko lotura eta ikasleen agentziaren garapena. Ikasleak beraiek izan dira proiektua pentsatu, antolatu eta aurkeztu dutenak, euren ikaskuntzaren protagonista bihurtuz.
Gainera, gazteagoekin partekatzeak ikaskuntza esanguratsua indartzen du eta komunikazioaren balioa azpimarratzen du, hezkuntza komunitatean benetako loturak sortuz.
Ikasteko beste modu bat… eta bidaiatzeko gelatik atera gabe 🌍📖
